• కన్నీళ్లపై కనిమొళి విమర్శలు.. టీవీకే, కాంగ్రెస్ ఘాటు కౌంటర్!
చెన్నై/ధారాపురం: తమిళనాడులోని ధారాపురం ఉప ఎన్నికల ప్రచారం తీవ్ర రాజకీయ వేడి రాజేస్తోంది. తమిళగ వెట్రి కళగం (TVK) పార్టీకి చెందిన TVK Candidate Sathiyabama ప్రచార వేదికపై ప్రసంగిస్తూ కన్నీళ్లు పెట్టుకోవడం, ఆమెను పార్టీ అధినేత విజయ్ ఓదార్చడం ఇప్పుడు అధికార డీఎంకే, టీవీకేల మధ్య మాటల యుద్ధానికి దారితీసింది.
ఈ పరిణామంపై DMK MP Kanimozhi తీవ్రస్థాయిలో ధ్వజమెత్తారు. ఇది కేవలం ప్రజల సానుభూతి కోసమే విజయ్ ఆడిన నాటకమని ఆరోపించారు. Dharapuram By-Election Campaign సభలో వేదికపై ఉన్న నాయకుడు రాజ్‌కుమార్ ఫోన్ మాట్లాడిన వెంటనే సత్యభామ చెవిలో ఏదో చెప్పారని, ఆ తర్వాతి క్షణంలోనే ఆమె భావోద్వేగానికి గురై కన్నీళ్లు పెట్టుకున్నారని ఎద్దేవా చేశారు. “విజయ్ ‘స్వీట్ బ్రో’గా వేదికపైకి వచ్చి ఓదార్చడం, తద్వారా ప్రజల నుంచి స్పందన రాబట్టడం అంతా ముందే సిద్ధం చేసుకున్న స్క్రిప్ట్ ప్రకారం జరిగింది. విజయ్ ఎక్కడికి వెళ్లినా ఇలాంటి నాటకాలే ఆడుతున్నారు” అని కనిమొళి విమర్శించారు.
సమయాభావంతోనే ప్రసంగం కుదింపు: టీవీకే స్పష్టత
కనిమొళి వ్యాఖ్యలపై టీవీకే నేత, తమిళనాడు విద్యాశాఖ మంత్రి ఏ. రాజ్‌మోహన్ తీవ్రంగా స్పందించారు. ఇవి కేవలం దురుద్దేశపూరిత ఆరోపణలని కొట్టిపారేశారు. గంటల తరబడి ఎండలో వేచి ఉన్న ప్రజలను, సమయాభావాన్ని దృష్టిలో ఉంచుకుని ప్రసంగాన్ని త్వరగా ముగించాలని మాత్రమే సూచించామని తెలిపారు. సభల్లో సమయ పరిమితిని పాటించడం సాధారణ విషయమని, గతంలో రజనీకాంత్, కమల్‌హాసన్ వంటి అగ్రనేతల సభల్లోనూ ఇలాంటి సూచనలు ఇచ్చారని గుర్తుచేశారు.
ప్రచారాన్ని నాటకం అనడం తగదు: కాంగ్రెస్
ఈ వివాదంపై తమిళనాడు కాంగ్రెస్ అధ్యక్షుడు మాణిక్యం ఠాగూర్ స్పందిస్తూ డీఎంకే వైఖరిని తప్పుపట్టారు. ఇతర రాజకీయ పార్టీల ప్రచార కార్యక్రమాలను ‘డ్రామా’ అంటూ విమర్శించడం సరికాదని అన్నారు. ప్రజల్లోకి వెళ్లేందుకు ఏ పార్టీ అయినా ప్రచారం చేస్తుందని, దాన్ని ఒక పార్టీ చేస్తే ప్రచారం, మరొకరు చేస్తే డ్రామా అని ముద్ర వేయడం భావ్యం కాదని పేర్కొన్నారు.
