తెలంగాణ కొత్త చీఫ్ సెక్రటరీ సంజయ్ జాజుకు చిరంజీవి శుభాకాంక్షలు
హైదరాబాద్ – ప్రభాత సూర్యుడు: తెలంగాణ రాష్ట్ర కొత్త చీఫ్ సెక్రటరీగా నియమితులైన సీనియర్ ఐఏఎస్ అధికారి సంజయ్ జాజుకు మెగాస్టార్ చిరంజీవి హృదయపూర్వక శుభాకాంక్షలు తెలిపారు. ఈ మేరకు ఆయన సోషల్ మీడియా వేదికగా ప్రత్యేక సందేశాన్ని పంచుకున్నారు.
“సరైన సమయంలో సరైన నాయకుడు”
సంజయ్ జాజు నిజాయితీ, దూరదృష్టి, విశాల పరిపాలనా అనుభవం కలిగిన అధికారి అని చిరంజీవి కొనియాడారు. ఆయన నాయకత్వంలో తెలంగాణ మరింత అభివృద్ధి సాధిస్తుందనే నమ్మకం వ్యక్తం చేశారు.
స్నేహితుడికంటే సోదరుడే ఎక్కువ
సంజయ్ జాజుతో తనకున్న అనుబంధాన్ని గుర్తు చేసుకున్న చిరంజీవి, “నాకు మీరు ఎప్పుడూ స్నేహితుడికంటే సోదరుడిలా అనిపించారు” అని పేర్కొన్నారు. ఈ ప్రతిష్టాత్మక బాధ్యతలో విజయవంతం కావాలని ఆకాంక్షిస్తూ శుభాకాంక్షలు తెలిపారు.
సోషల్ మీడియాలో వైరల్
మెగాస్టార్ చిరంజీవి చేసిన ఈ అభినందన సందేశం సోషల్ మీడియాలో వైరల్గా మారింది. అభిమానులు, రాజకీయ మరియు సినీ ప్రముఖులు సంజయ్ జాజుకు శుభాకాంక్షలు తెలుపుతున్నారు.
For Related Link : https://x.com/KChiruTweets/status/2071124622364594310
For Our More News Click Here: https://prabhathasuryudu.com/peerla-panduga-festival-at-nemali-kalvamoharram/
